liefdes-wens
onthou jy my lyf
wat in liefde teen jou vlei
as ons in eenheid saamsmelt
ek voel jou asem
as jy fluister in my oor
sagvoet saam in ons liefde
©MarleneErasmus
30/07/2023
*Digsoort: Sedoka
Blog van Digter en Skrywer: Marlene Erasmus
liefdes-wens
onthou jy my lyf
wat in liefde teen jou vlei
as ons in eenheid saamsmelt
ek voel jou asem
as jy fluister in my oor
sagvoet saam in ons liefde
©MarleneErasmus
30/07/2023
*Digsoort: Sedoka
Sinéad O’Connor se stem raak stil.
Woensdag het die familie van Sinéad aangekondig: “Dit is met groot hartseer dat ons die dood van ons geliefde Sinéad aankondig. Sy was 56 jaar oud. Hulle hartseer was duidelik hoorbaar toe hulle privaatheid versoek het.
Die Ierse popsensasie het haar gewildheid verkry in die 1990’s met die lied: “Nothing Compares 2 U”, oorspronklik geskryf deur Prince. Sinéad was veral bekend vir haar unieke stem, maar ook vir haar rebelse houding. Sy het haar eie mening gehad oor godsdiens, menseregte en geestesgesondheidkwessies, en het nie geskroom om haar stem te laat hoor nie.
Kinderjare
Sy word op 8 Desember 1966 gebore as Sinéad Marie Bernadette O'Connor in Dublin, Ierland.
Haar kinderjare was nie maklik nie en het ‘n groot rol gespeel op haar persoonlikheid as volwassene. Dit het ook haar musiekstyl bepaal in haar loopbaan as kunstenaar. Haar ouers is geskei en sy het saam met haar broers en susters by haar ma, Marie gewoon. Sy en haar ma het ‘n stormagtige verhouding gehad en sy is dikwels emosioneel en fisiek mishandel. Dit het daartoe gelei dat sy haar onttrek het. Sy het uiters onveilig gevoel in haar gesinsomgewing.
Op die jong ouderdom van 15-jaar het sy na ‘n groot geveg met haar ma besluit om weg te loop. Sy was vir ‘n tyd op straat, maar haar winkeldiefstal gewoontes het daartoe gelei dat sy vir 18 maande in ‘n inrigting beland het. Die inrigting het bekend gestaan as die Grianán-opleidingsentrum in Drumcondra.
Begin van musiek-loopbaan
Sy het haarself in musiek gevind toe sy in haar tienerjare begin sing het. Haar heel eerste album , “The Lion and the Cobra” word in 1987 vrygestel. Sy neem die verhoognaam van Magda Davitt aan. In 1990 reik sy haar tweede ateljee-album, “I Do Not Want What I Haven’t Got” uit. Die hoof-snit, “Nothing Compares 2 U” wat geskryf is deur die kunstenaar Prince, word in 1990 deur die Billboard Music Awards aangewys as die nommer een wêreld-enkelsnit. Haar opname van “Nothing Compares 2 U” word meer as 400 miljoen kere gekyk op YouTube.
Latere loopbaan
In haar leeftyd reik Sinéad tien ateljee-albums uit. Twee van haar albums, 1992 se “Am I Not Your Girl?” en 1994 se “Universal Mother” bereik goue status in Brittanje. In 2000 het haar album, “Faith and Courage” goue status in Australië gekry, en in 2005 het, “Throw Down Your Arms” goud behaal in Ierland. Sy verskaf ook talle liedjies vir films en het ook saam met ander kunstenaars opgetree vir liefdadigheidsfondsinsamelings-konserte. Haar 2021-memoir, “Rememberings” was ‘n topverkoper.
Die omstrede kant
Sy is die kunstenaar wat nie net vir haar goue stem onthou sal word nie. Sy kon haar stem laat hoor om haar opinies en oortuigings aan die wêreld bekend te maak. Haar uitgesprokenheid het dikwels tot gelei tot baie kontroversie.
In Oktober 1992 tydens “Saturday Night Live”, skeur sy ‘n foto van pous Johannes Paulus op. Dit dien as bewys van haar protes teen onregte wat gepleeg word teen kinders in die Katolieke kringe. Met die aksie sing sy Bob Marley se lied, “War”.
Skaars twee weke na die episode, met die 30ste herdenkingkonsert vir Dylan, was die woede nog sigbaar toe sy wee die lied “War” acapella sing! Sy het in trane uitgebars en is deur Kris Kristofferson van die verhoog af gelei.
Sinéad en geloof
Sy staan bekend vir haar komplekse spirituele reis. In haar jonger jare is sy grootgemaak in ‘n Katolieke gesin. Sy het self op ‘n stadium oorweeg om ‘n non te word. Die Katolieke agtergrond het ‘n groot invloed gehad op sommige van haar vroeëre musiek.
In 1999 word sy as ‘n priester ingelyf in die Latynse Tridentynse Kerk. Hierdie kerk is deel van die Rooms-Katolieke Kerk wat die liturgie en die tradisies volg soos dit voor die Tweede Vatikaanse Konsilie was. Hulle gebruik die "Tridentynse Mis," wat ook bekend staan as die "Tradisionele Latynse Mis.”
Haar persoonlike lewe
Sinéad se lewe is gekenmerk deur onstuimige kenmerke. Daar was die moeilike verhoudings, asook die gesondheidsprobleme waarmee sy geworstel het.
Sinéad was vier keer getroue en uit die huwelike is daar vier kinders gebore: Jake in 1987, Roisin in 1995, Shane in 2004 en laastens Yeshua in 2006. Onder haar verhoudings duik daar name op van Peter Gabriel en John Waters.
Sy het aan ‘n bipolêre versteuring gelei en is in 2003 gediagnoseer met fibromialgia. Dit is ‘n chroniese toestand wat baie pyn veroorsaak.
In 2022 pleeg haar seun, Shane selfmoord op die brose ouderdom van 17 jaar. Sy het haar seun se dood baie moeilik gevind.
Deur haar lewe het sy verskeie selfmoord pogings gehad , waarvan die laaste een in 2023 haar einde beteken het. Sy was by haar huis in Ierland tydens haar afsterwe.
Nalatenskap
Sinéad sal onthou word. Sy was die ikoon wat man kon staan, en sy het derduisende mense ontroer met haar porseleinstem.
Sinéad, ek sluit af met Prince se woorde: “Nothing compares to YOU!”
©MarleneErasmus
30/07/2023
(832 woorde)
toeka tot nou
so op Sondag, dink ek met groot heimwee
na my plaaslewe terug; nostalgie so broos
waar trekkers stil staan in die son se gloed
na ʼn dag se oes, om vele monde te voed
wiele van die Massey Ferguson sing net soos
musiek, as die rooi masjien oor die aarde vee
in die veld waar die windjie saggies fluister
waar die son opkom oor die kim – so blou
vul die plaasgeluide my siel, dit voel so goed
as ek aan die einde terugkyk in die aandgloed
dan voel ek een met die lewe, vars soos nou
as die trekker se wiele sing, moet jy luister
trekkers, oud en nuut dans oor die land
met die plaashuis en sy groot kaggelvuur
om jou te verwelkom na die dag se arbeid
waar trekkers knarsend staan voor afskeid
as nuwe tegnologie sake in ander rigting stuur
in harde grond word die toekoms geplant
©MarleneErasmus
30/07/2023
oulap se rooi
in die rooi geur van die môre se eerste groet
verloor ek my hart in die mooiste gloed
die aandster flikker in rooi fonkeling so hoog
en ek proe die stilte sag skitter aan hemelboog
alles om my smelt saam in ‘n rooi simfonie
as ek rustig asemskep in die aardse harmonie
©MarleneErasmus
30/07/2023
Whisky-kat
in die sagte skemer van ʼn hartseer nag
verskyn jou skugter, stil silhoeët, troetelsag
jy vlei jou teen my aan, verstaan my seer
sielsmaat sien tot binne hart se wonde
sien selfs tot die diepte van my sonde
so skep jy ʼn band wat ons bind in liefde
ek kom vier jou, my kat, met jou hart oop
vir my is jy nie net troeteldier, maar gee hoop
as jy my kom vertroos met jou teenwoordigheid
©MarleneErasmus
24/07/2023
ʼn kind se hartseer
in die stilte van ʼn kleine kindjie se hart
vergaan vreugde vinnig in stilte, huilend
as trane soos verlore vriende oor wange rol
probeer hulle om nog dapper te glimlag
die wind fluister saggies in kindjie se oor
sweef met drome, nie ingeperk deur grense
verdryf die donker wolke hul kommer snel
as hartseer oor hul lippe stort in snikke
gou troos die sagte fluistering van liefde
stry die stryd teen die gevoel van hartseer
laat ons hande en harte ondersteuning bied
om ʼn kindjie se hartseer omarmend te troos
©MarleneErasmus
24/07/24
liefdes-wens onthou jy my lyf wat in liefde teen jou vlei as ons in eenheid saamsmelt ek voel jou asem as jy fluister in...